حاجات هتندم انك عملتهم قبل سن الاربعين
في مقالة لـ reddit اتكلموا عن 10 حاجات هتندم انك بتعملهم قبل الاربعين
1- اللازمات: الحاجات اللي بتبقى شايف انك لازم تعملها و بتحسسك بالضغط زي ان لازم يبقالك بيت, لازم يبقالك اطفال, لازم تتجوز و ما شابه .. المفروض متشغلش بالك بالكلام ده و تبدأ تركز في ازاي تعيش حياة سعيدة انت مبسوط باللي بتعمله فيها و بس .. انت هتعيش مرة واحدة فعيشها مبسوط.
2- مقضيتش وقت كافي مع أهلك: قبل الاربعين بيبقى عندك القدرة اكتر ع الكلام و السفر و الحركة .. و للاسف بتندم بعدين انك مقضتش بعض الوقت بالطاقة دي مع اهلك.
3- الشغل اولا: الغلطة الكبيرة انك في السن ده بتدي شغلك الاولوية .. الافضل تدي وقت لنفسك تقضيه مع ناس بتحبها و اصحابك.
4- تقضية الوقت في التركيز على حاجات سلبية
5- التفكير ان العمر عدى بيك ..بالعكس انت دايما لسه قدامك فرصة!
6- انك مديتش الاولية لنفسك! و اديت الافضلية للناس لحد ما نسيت تهتم بنفسك.
7- عدم استغلال الفرص اللي بتعدي عليك
8- عدم الادخار و انك مصرفتش فلوسك ع الحاجات اللي تستاهل
9- انك مسافرتش كتير! كل لما بتكبر في السن طاقتك انك تقوم و تسافر و تلف الدول و المدن بتقل .. استمتع بسنك في الوقت ده و سافر شوف العالم.
10- اهتمامك الزائد بكلام الناس!
_______________________________
قولولنا ايه اكتر حاجة بتعملوها؟
تعليقات